coas pakistan head 73

نئی جنگ جہالت کیخلاف، تعلیم، صحت اور روزگار کیلئے ہے: ترجمان پاک فوج

نئی جنگ جہالت کیخلاف، تعلیم، صحت اور روزگار کیلئے ہے: ترجمان پاک فوج

راولپنڈی: پاک فوج کے ترجمان میجر جنرل آصف غفور کا کہنا ہے کہ نئی جنگ ترقی کی جنگ ہے جو جہالت کیخلاف اور تعلیم، صحت اور روزگار کیلئے ہے۔

پاک فوج کے ترجمان میجر جنرل آصف غفور کا نجی ٹی وی کو انٹرویو میں کہنا تھا کہ جنگوں کی بات ہمیشہ بھارت نے اور امن کی بات پاکستان نے کی ہے، مذاکرات سے فرار کی راہ ہمیشہ بھارت نے اختیار کی ہے۔

انہوں نے کہا کہ بھارت نے آج تک اپنے لوگوں کو سرجیکل اسٹرائیک کے ثبوت نہیں دیئے لہٰذا بھارت کو بتانا چاہتے ہیں صرف باتوں سے سرجیکل اسٹرائیک نہیں ہوتا اور جنگ کی دھمکیوں سے مسئلے حل نہیں ہوں گے۔

ان کا کہنا ہے کہ افغانستان میں امن ہوگا تو پاکستان میں بھی ہوگا اور پاکستان چاہتا ہے کہ افغانستان سے امریکا کے جانے کے بعد وہاں ترقی کے کام جاری رہیں۔

ڈی جی آئی ایس پی آر کا کہنا تھا کہ نئی جنگ ترقی کی ہے، جہالت کیخلاف، تعلیم، صحت اور روزگار کیلئے ہے۔

ایک سوال کے جواب میں انہوں نے کہا کہ فوجی عدالتوں کی ضرورت اب بھی ہے تو یہ فیصلہ حکومت کو کرنا ہے۔

ان کا کہنا ہے کہ الیکشن قومی سرگرمی ہے اور الیکشن سے ہی تبدیلی آتی ہے، اس میں فوج کا کوئی ہاتھ نہیں۔

ترجمان پاک فوج کے مطابق سیاسی استحکام ہو گا اور جمہوریت ہو گی تبھی پاکستان آگے چلے گا۔

انہوں نے مزید کہا کہ بین الاقوامی عدالت انصاف میں بھارتی خفیہ ایجنسی را کے جاسوس کلبھوشن یادیو کے کیس کی کچھ عرصے میں سماعت ہونی ہے جب کہ بھارتی جاسوس کی رحم کی اپیل آرمی چیف کے پاس ہے۔

Spread the love
  • 1
  •  
  •  
  •  
  •  
  •  
  •  
  •  
    1
    Share
  • 1
  •  
  •  
  •  
  •  
  •  
  •  
  •  
  •  
  •  
  •  

اس خبر پر اپنی رائے کا اظہار کریں

Leave a Reply